Welkom!

 Welkom by my blog.

Aanvanklik het ek die blog begin om oor my Gys Niemand-boeke te gesels terwyl ek besig was om aan die reeks te skryf.

Lees gerus ouer inskrywing waarin ek skinder oor die karakters en agtergrond gee oor hulle doen en late. Ek het ook van die skryfproses vertel en die vordering wat ek maak, en geklets oor funksies en geleenthede wat ek bygewoon het.

Noudat die Gys-reeks voltooi is, sal ek julle op hoogte hou van nuwe verwikkelinge, maar steeds ook oor dinge rondom die Gys-reeks.

Intussen word die Davel-reeks ook herdruk en ek laat weet wanneer verskyn wat.

Hou ook die blog dop vir uitnodigings na bekendstellings en ander geleenthede.

En gesels gerus saam! Dis heerlik om terugvoer te kry.

Potgooi – Leeskring

Jy kan na die potgooi van die gesprek wat Christelle Web-Joubert met my op rsg oor die Daveltjies gevoer het, luister by http://www.rsg.co.za/images/upload/sound/klanke/20120110_LEESKRING_Chanette_Paul.mp3

Fleur – ʼn tweede afskeid

Ek onthou nog baie goed die dag toe ek die rekenaar se stuur-knoppie gedruk het en so vir Fleur die wye wêreld ingestuur het. Dit was einde September 2006. Ek was flou. Ek het die ses Daveltjies wat op Tamara gevolg het in elf maande klaargeskryf (hoe, weet ek nou nog nie) en tussen in nog manuskripontwikkeling en ʼn hele paar ander dinge ook gedoen.

Ek het by my venster uitgekyk, oor die prieel oortrek van pienk bougainvilleas, na die Kleinerivier wat onder my erf verbyvloei. En in trane uitgebars. My laaste Daveltjies het ʼn man gevind wat haar waardig is en is vort na die land van vir-altyd-en-ewig-gelukkig. Dit het gevoel asof ek wees agtergelaat is. In daardie jaar het ek immers Daveltjies geëet, gedrink, geslaap, ge-alles. Hulle was my girls. Op ʼn manier my prosteses om enigiets van ʼn taalstryder tot ʼn argeoloog tot ʼn skilder te word.

In daardie stadium het twee dinge voorgelê:

Oor die Daveltjies en Gyse op rsg

 LEESKRING

‘n Program oor skrywers en digters.

• DINSDAG 10 JANUARIE 2012
• 20:30-21:00

Christelle Webb-Joubert gesels met Chanette Paul oor haar boek TAMARA, wat deel is van die reeks oor die Davel-vroue.

 http://www.rsg.co.za/Program/83/Leeskring

Gesprek op Radio Laeveld – 14 Desember

Ek praat vanaand so net na nege met Annemarie van der Walt op Radio Laeveld se program Kaleidoskoop oor my boeke en dinge.

Volgens die webblad http://www.radiolaeveld.co.za/ kan mens meeluister.

Sien die opsies by : http://radiolaeveld.ndstream.net/

Ek en Rut in tuine van eerbied

 My laptop is soos Rut. Waar ek gaan, gaan sy saam. Soms vlug ons doelbewus hand aan hand om aan ʼn storie te gaan werk en vergeet vir ʼn rukkie van die res van die wêreld.

Dis op so ʼn vlugtog dat ek en Rut toe vir twee weke op McGregor by Temenos beland.  Van dagbesoeke af, het ek reeds geweet dis ʼn magiese plek. Om soggens deur die poue wakkergeroep te word, tussen die skrywery deur in die tuine te stap, saans by The Well te gaan sit en my weergawe van ʼn meditasie te pleeg, plaas alles egter in ʼn heel ander dimensie. 

Die Temenos tuine is ʼn spirituele belewenis. Daar word geen onderskeid tussen godsdienste gemaak nie. Van ʼn Hindo-tempeltjie tot ʼn vredeskruis, van ʼn Boeddha tot ʼn klipsirkel met rune-simboliek. Alles het sy plek en sy bestaansreg.  ʼn Engel vir verlore kinders, staan nie te ver van ʼn moskee in die kleine nie, die menora in ʼn nissie bo ʼn watertjie wat loop, is ʼn klipgooi van die kerkie met ʼn houtkruis in die venster.

Ek het nie net met my Rut se magie aansienlik voller terug gekom nie, maar ook met ʼn ryker gees, ʼn groter innerlike rustigheid.

En ʼn vraag:

Isabelle: Opstêrs gravinnetjie nou op die rak

Dit was darem alte lekker om terug te kom van twee weke se skryf in afsondering en te sien my pakkie met outeurskopieë van Isabelle lê al en wag vir my.

Isabelle is nommer 5 in die die Davel-reeks en onder meer beskikbaar by:

Isabelle – Graffiti en Isabelle – Lapa

Lees meer by:

http://lapa.bookslive.co.za/blog/2011/11/11/isabelle-vyfde-boek-in-chanette-paul-se-reeks-oor-die-davel-vroue-heruitgegee/

25 Oktober: Smul en gesels saam met Pieter Aspe en SA skrywers

Dinsdag, 25 Oktober, gaan ‘n ongelooflike geleentheid wees wat nie sommer weer herhaal sal word nie. LAPA vlieg spesiaal die groot Vlaamse misdaadskrywer, Pieter Aspe in.

Pieter Aspe (re Pierre Aspeslag) is  in 1953 in Brugge gebore en skryf reeds sedert 1996 voltyds. Hy word as dìe gewildste misdaadskrywer in Vlaandere en Nederland beskou. Hy het al meer as 1,5 miljoen boeke in België en Nederland verkoop. In 2001 ontvang hy die Hercule Poirot-prys vir een van sy boeke, Zoenoffer, en in 2002 die tydskrif Humo se Gouden Bladwijzer-toekenning. Hy is ook pas met die 2010 Knack Hercule Poirot-Oeuvreprys vereer. Aspe het Latynse wetenskappe by die Sint Leo Kollege in Brugge studeer. Hy woon tans saam met sy vrou Bernadette in Blakenberge.

Die Midasmoorde – Afrikaanse titel soos vertaal deur Daniël Hugo – is die tweede boek van ’n indrukwekkende en spannende reeks wat intussen ook tot etlike televisiereekse verwerk is. Die eerste boek is getiteld Die vierkant van die wraak. Kyk gerus na ’n lokprent hiervan op Youtube by Lokprent: Vierkant van wraak. Sy boeke is ook in verskillende tale naamlik Frans, Italiaans, Portugees, Pools, Duits, Spaans en nou ook in Afrikaans vertaal.

Deborah se beurt

Die wildewragtag van ‘n Deborah kom aan die beurt in die mooie maand van Oktober.

‘n Lusmakertjie is te lese by Proestukkie – Deborah

Beskikbaar by onder meer: Deborah – Lapa & Deborah – Graffiti

Agterblad:

Dryfhout-resensie op LitNet

Vanoggend staan ek nog moeg op na ‘n heerlike, maar redelik uitmergelende blitsbesoek aan KZN. Na so ‘n tydjie weg is daar altyd ‘n menigte e-posse om te beantwoord en dinge om in te haal.

Ek wag nog so dat die e-pos aflaai en kliek toe maar gou op die LitNet Nuusbrief om te sien wat op die boekefront aangaan en raai! Daar is die voorblad van Dryfhout en ‘n Biebouw-resensie. My hart verys onmiddellik. Waar gaan die kritiek dié keer lê, wonder ek. Maar ek besluit om dapper te wees en gaan lees wat Madri Victor te sê het.

Toe is dit seker een van die wonderlikste resensies wat ‘n boek van my nog gekry het!

Gaan loer gerus by  LitNet-resensie – Dryfhout

Kaapse lekkerte vir leesliefhebbers!

Ek voel baie bevoorreg om deel te wees van hierdie geleentheid.

Om te dink dit kos waarskynlik minder as die twee gratis boeke wat jy kry!