26
Aug
12

Nan & Jeannie – bestel vooruit!

Maanschijnbaai –  Nan & Jeannie

Om Hannetjie se nakomeling te wees, is ook nie vir sissies nie

Nan & Jeannie, die tweede boek wat die Maanschijnbaai-tweeluik afsluit, kan nou reeds vooruitbestel word by:

Nan & Jeannie by Graffiti

Dit was ʼn bose dag toe die vier Calitz-slette Maanschijnbaai in ʼn pienk Cadillac binnegery en die kasarm in ʼn stuk kitsch begin omskep het.

Almal weet teen die tyd hulle is slette, maar nou is daar selfs sprake hulle kan toor. Kyk hoe het Sue vir arme Zach betower, en Jo vir Saul. Ook die geliefde dominee Gideon het handomkeer ʼn ander mens geword. Het dit iets te doen met Nan se magte wat sy moontlik by haar pa geërf het? Of dalk met Jeannie se betrokkenheid by daardie sekte? Hoekom anders het die oulike Ieg op vlug geslaan? En nou wil Jeannie nog boonop ʼn restaurant oopmaak en toorkos bedien. So skinder die M-baaiers oor Casper se telge.

Veral noudat daar ʼn nuwe Calitzie op pad is, besef die Calitze egter: Hulle is nie net Casper se erfgename nie. Hulle deel Hannetjie se gene ook. Dié keer is dit Nan en Jeannie se beurt om daarmee te probeer saamleef.

Maanschijnbaai: Nan en Jeannie is die opvolg van Maanschijnbaai: Jo en Sue en sluit die Calitz-vroue se verhaal af.

Jeanette Ferreira: “Chanette Paul is bekend vir die humor, romantiek en naelbytspanning in haar romans. Met die Maanschijnbaai-tweeluikverras sy haar lesers met ’n familiedrama.”

Chanette Paul is ook die skrywer van die Davel-vroue wat bestaan uit sewe historiese liefdesromans, en die vyf romantiese spanningsromans wat bekend staan as die Gys Niemand-reeks.


3 Responses to “Nan & Jeannie – bestel vooruit!”


  1. 1 Louise Vermeulen
    September 27, 2012 om 5:28 nm

    Pryse van die boeke – Maanchijnbaai Jo & Sue en Nan & Jeannie asb.


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s


Enter your email address to subscribe to this blog and receive notifications of new posts by email.

Join 148 other followers

Augustus 2012
M T W T F S S
« Jul   Sep »
 12345
6789101112
13141516171819
20212223242526
2728293031  

Chanette op Facebook


%d bloggers like this: